МБОУ Башкирский лицей №1 им. Зиганшина С.Ш.Учалы

#Башҡорт_теле_декаднигы#СШЙыһаншин_исемендәге_1_се_башҡорт_лицейы Беҙҙең мәктәптә Република көнөнә..

11 октября, 2025

0 18 минутные новости

#Башҡорт_теле_декаднигы#СШЙыһаншин_исемендәге_1_се_башҡорт_лицейы
Беҙҙең мәктәптә Република көнөнә арналған саралар уҙғарылды. 1-се кластан алып 11-се класҡа тиклем уҡыусылар төрлө конкурста ҡатнашып, башҡорт телен , халҡыбыҙҙың мәҙәниәтен, тарихын, йолаларын белеү кимәлен һынап ҡаранылар. Бәйгеләр балаларға үҙ туған телеңде өйрәнергә, халҡың, илең, үткәнең менән ғорурланырға кеүек хис тойғолар уятты.
Башланғыс кластарҙа Фаткуллина Ә. М тарафынан Хазина төркөмө етәксеһе Ғәрифә Кудрявая менән бик йөкмәткеле, фәһемле осрашыу ойошторолдо. Ҡалабыҙҙың тыуған ерҙе өйрәнеү музейына экскурция булдырылды. Уртансы кластарҙа уҡыусылар лицей музейының экспонаттары менән таныштыралар (етәксеһе Шахурина Е. В ).Елена Владимировна 11-се кластар менән «Әлләсе» уйынын уйнап, үҙ туған телеңдә аралашыуҙың мөһимлеген асып күрһәтергә өлгәште.
5-се кл уҡыусылары «Күңелле туҡталыштар «уйынында ҡатнашып, тәмлекәстәр менән бүләкләнде. (ойоштороусы Исхакова Д. К)
Тағы ла уйындар, ярыштар дауам итә . 6-8кл укыусыларының башҡорт әҙәбиәтенән уҡыған әкиәттәр, әҫәрҙәр буйынса һүрәттәр конкурсы иғлан ителде. Ә 9-11кл уҡыусылары «Тыуған илем -алтын бишегем» исемле иншалар тапшырасаҡтар.
Барығыҙҙы ла етеп килгән Республикабыҙҙың тыуған көнө менән ҡотлайбыҙ.!!! Илебеҙ имен булһын, йәшәһен башҡорт телебеҙ, сәскә атһын тыуған еребеҙ!!!